av Grendalaget informerer:
Årsmøtet i Grendalaget er utsatt til 2.mai grunna strengare korona-restriksjoner i Øygarden.
«Øygarden formannskap vedtok 19.03.2021 forskrift om førebygging av koronasmitte for Øygarden kommune gjeldande frå og med klokka 00.00 laurdag 20.03.2021.
Bakgrunn
Den raske smitteauken i landet, samt auka smittetal i Øygarden kommune med auka del av muterte koronavirus variantar krev skjerpa smitteverntiltak lokalt.
§ 1 Føremål
Forskrifta skal vera med å hindra eller avgrensa smitte av koronaviruset (SARS- CoV-2) gjennom tiltak som er tilpassa tilhøva.
§ 2 Verkeområde
Forskrifta gjeld alle personar, organisasjonar og verksemder med fast eller mellombels opphald i Øygarden kommune.
§ 3 Munnbind
I situasjonar i det offentleg rom der ein ikkje kan overhalda 1 meter avstand til andre enn dei ein bur saman med til vanleg, skal alle over 12 år nytta munnbind i følgjande situasjonar;
- Kollektivtransport/taxi
- Butikkar, kioskar og bensinstasjonar
- Tilsette med ein til ein kundekontakt
- Trus- og livssynshus
- Besøkande ved sjukeheimar
- Serveringsstader med unntak av når ein sit med sitt tilviste bord
Plikt til å bruka munnbind gjeld også tilsette ved desse stadene når andre smitteverntiltak som visir, skiljeveggar og liknande ikkje er mogleg.
§ 4 Tal personar som kan vera til stades på eit arrangement
- Arrangement og private samkomer på offentleg stad eller i leigde/lånte lokale kan gjennomførast innandørs med inntil 10 personar (jf. covid-19-forskrifta § 13 første ledd bokstav a til e).
- For innandørs idrettsarrangement for utøvar under 20 år som høyrer til idrettslag i same kommune er grensa 50 personar. 50 personar er også grensa for innandørs arrangement med faste tilviste plassar.
- Arrangement utandørs på offentleg stad kan gjennomførast med inntil 100 personar, likevel 300 personar der alle i publikum sit på faste tilviste plassar (jf. covid-19-forskrifta §13 første ledd bokstav a til e).
- Ein viser også til nasjonale tilrådingar om at arrangement bør utsetjast eller avlysast om dei samlar personar frå fleire kommunar. Dette gjeld både innomhus og utomhus.
- Du bør som hovudregel ikkje delta på arrangement i ein annan kommune. Dette gjeld ikkje ved gravferder.
§ 5 Ansvar
Øygarden kommune tek ikkje på seg økonomisk ansvar som skulle følgja av pålagte tiltak etter denne forskrifta.
§ 6 Straff
Forsettleg eller grovt aktlaust brot på reglane i denne forskrifta eller vedtak gjeve med heimel i forskrifta er straffbart, jf. lov 5. august 1994 nr. 55 om vern mot smittsomme sykdommer § 8-1.
§ 7 Iverksetjing og varigheit
Forskrifta vert sett i verk 20. mars 2021 kl. 00:00 og gjeld til og med 18. april 2021 kl. 00:00.»
